امونة الزمن الصعب

اماتي القبيل بي حنهن رجلني
كرفه وقلده كيف شوق اللبن رجلني
واطلع مني يا جلدي المنمل جني
واطلع مني يا حزننا بقي مكجني
خليني ابدا مسداري و اودي قفاي
لدارا بقت مي داري جلدا
وجلدي بيهو بين عطايا الشحمه
الا النار بقت قدامي للليه بين وبينا عطايا المافي
الا تراني شوال الكبس فوق جراريب الورم
هداني وفي جلدي الورم ولا صحي الورم عضاني
سفرتك ميها الفي النيه وليها الكانت محريه
خابراك عريف زم العربان ولا قيام الورديه
مالك تريان ومندي كاس القدام والهندي
وشيك ككيف تبقي البيشان ولا الغربه البزندي
برقا عقلي الوزني يا طاش يا جاب المزني
وفرق يالضيف فعل الغضبان ام فرفيرات الحزني
شن القعده يا ابو السره في ضل العمارات ام كمرتا بره
ضقنا الحنضل اليانكي وبلعنا المره كملت كوتت التمباك صقعنا الجره
وكت اتقفلت شقيش قبل بالمره نرمي امرنا في بلدا معاني الحره
الشم خوخت بردا ليالي الحره والبراق برق من منا جاب القره شوف
عيني الصقير بجناحو كفت الفره
تلقاهو ام خدود الليله مرقت بره
ومرقت بره تغلي مديدة الحلبه
التسمن ردفها والوقود وبعرات الدخان في العين اسوي عمايلو
اسل فشفاشنا اسوي عمايلو شن فايدة مديدة الحلبه الوقود
بشيلو اليانكي يا ابو السره قامت من دخاخين العمي تلمع وشيها
كان اليانكي مستنيها في مرايت السجم بالليل تفرر متل فريخ الطير
مرق عينها من ود عينها رجافت التسوي الحمي جفلت منو وقعت عندو
صدرها يغلي يا ابو السره شلتها للبحر يمكن يغسل عينها من اليانكي
فوتنا الحجره بالكته وغطسنا مسافه مسافه تبقي قدر مسالك الريده
ما لقانا من يقبانا في البحر الفتر تحتاني ناس عارفها ناس عارفاكا ناس عارفاني
ناديت القعونج والبلطي وقرقور السمك وداني لدابي الغشش وداني لعمال الطمي الصارقيله
وودالمويه فوتنا عليها كانت نايمه تحت ساسويه كانت نايمه
عجال البحر حارسها كانت نايمه بين حجرين وضل ساسويه
وعمال الطمي صحوها لمو حصحاص البحر قسمو
يات من كان سبع جمرات دابي الغشه قال: ادوها في الجمرات تلات سبعات
قولنا ادوها في الجمرات تلات سبعات
مسكنا دربنا وعمال الطمي صحونا خابرين الدروب
مرقوبنا في مشرع مسارب الضي
لقينا الدنيا تترجانا قوقا القمري خوخ قيرو
وروح تي وعمال الطمي الصحوها
لمو علي البعرفو الصي حصي القيزان دوابي الدارقه
والسحليه والناس التحت الناس التحت
خابرين عمايل اليانكي مره معونا لللقاف ومره
دوانكي شن معناهو جدبا كان ملوهو دوانكي
شكلو يكتم القريب سيوف وسوانكي
قولا للاخلو ديارو دمك فرهد في نارو
قوص في الارض وطارو صقرين
سكان الارض ما طارو

تسلم يديك العافيه

lol!