أجمل ماقيل في العيون في الغناء السوداني

عيونك زي سحابة صيف تجافي بلاد وتسقي بلاد
وزى كلماتا بتتاوة تتوة لمن يجي الميعاد
وزي فرحا يشيل مني الشقا ويزداد
وزي عيدا غشاني وفات عم البلد اعياد
وزي وطنا وقت اشتاقلو برحل لية من غير زاد
بدون عينيك بصبح زول بدون ذكري وبدون ميلاد
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
ومن كلمات عبد المنعم حسيب فى العيون
عيونك كانوا فى عيونى
ينادوني يصدونى اقول يمكن حبوني اقول يمكن يصدوني
عشقتك وكان مجرد حبي ليك محال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
مع الاعتذارللاخ الباشق هي ليست من كلمات عبد المنعم ولكنها من غنائة ولا أذكر الشاعر الآن وهي كلمات جميلة تسلب العقول وأيضا من الاغاني التي تتحدث عن العيون اغنية الفنان الطيب عبداللةعيوني

عينيك سفر ومشوار عذاب ارهق خطاي وعذبها
عينيك كون ينبوع حنان لمن تثوب ما اجملها
عينيك بدور فيها السفر واسهر مع عينيك كتير واتاملها
وحياة عيونك انا مابخونك
كيف يهون ارضي واخون اجمل عيون استاهلا

وللفنان عبد الحميد يوسف

عيون وعيونك اسباب لوعتي
اسباب تشوقي نظرتك واسباب نفورك نظرتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
من الابيات الجميلة ايضا في وصف العيون من كلمات الشاعر محمد الحسن دكتور وأداء الفنان محمد الأمين

عابر طريق فايت نام في العيون وارتاح
عيون حبيبي ديار تستقبل السواح
بشوشة طول اليوم سرحانة في الأحلام
الاسود النشوان زورق من الالحان
فوق البحار البيض سابح بلا ربان
مكتوبة فوق سطحة قصة حياة انسان
أملاكة في العالم رشة وضمير وكمان
اجمل عيون عندك يااجمل الحلوين
نجدة غريب ومنار برجع التايهين
تايه انا وحيران رجعني للعينين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــ
وغناء محمد مرغني فى العيون
كلمني يا حلو العيون اسرني صمتك يا حنون
كلمني حاول حس بي
كلمني وارمي اللوم علي
كلمني والكان يكون
كلمني ياحلو العيون