واحه الفنان مصطفى سيد احمد

السلام عليكم ورحمة الله وبركاته
جيناكم من جديد بالجديد وانشاء الله مشاركتي تعجبكم
عندي ليكم اختراح عشان انا بحب الفنان الراحل العظيم مصطفي سيد احمد
اطلبو اي اغنية ليهو وانا جاهز ..
وابدا ليكم با غنية جميلة اسمها ( مدن عينيك ).. رايكم شنو :thumbup:

مدن عينيك
الشاعر : عبد القادر الكتيابي

لمحتك .. قلت بر أمن
بديت احلم ..
الملم قدرتي الباقية ..
واشد ساعد علي المجداف
تلوح لي .. مدن عينيك
وترفع لي ..منارة بسمتك سارية
وبديت احلم ..
كل ما الريح تطارد الموج
ازيد اصرار .. واحلف بيك
اغير سكة التيار..
واقول .. يا انتي .. يا أغرق
الوح لي مدن عينيك
تلوح لي ..
اخاف الضفة ترجع بيك
قبل الحق ..
اخاف .. غيم المني الشايل
تسوقو الريح ويتفرق
اخاف .. واخاف .. اخاف
واخـــــــــــاف

واشد ساعد علي المجداف
واجيك بي قدرتي الباقية
حطام انسان ..
موسم بي شقا الدنيا
ومقسم قلبو في الاحزان
اجيك فنـــــان ..
أشد اوتاري واحكيلك
حكاية انسان ..
وهب لي سكتك نفسو
ورسم صورتك علي حسو
وربط ساعد علي المجداف
وقــال .. يا أنتي ، يا اغرق
أخاف .. أخاف .. وأخاف
والاقيك يا اماني سراب
مواهبي عليهو تدفق
وأخاف ..
أخاف .. وأخــــاف..