منتديات مياس
مرحبا بك زايرنا الكريم نرحب بك فى منتديات مياس يسعدنا ويشرفنا تسجيلك معنا با الضغط على

زر التسجيل وانشت التصفح اتجه الاقسام الرئيسيه

منتديات مياس

منتديات مياس
 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  
الاخوه الاعضاء اى زول عاوز توقيع يمشى منتدى الصور والتصميم ويكتب نوع التوقيع العاوز وانشاء الله حايكون جاهز خلال 24 ساعه
ترحب منتديات مياس با الاعضاء الجدد وتتمنى لهم قضاء وقت جميل
الاخوه الاعضاء المنتدى لقد تم تغير الاستايل بناء على طلب الاعضاء وشكرا الاداره
الاخوه اعضاء منتديات مياس لكم التحيه بس عاوزين مواضيع جديده وتواجد اكبر وانشاءالله تجدو الاكثر

شاطر | 
 

 روائع الدوش ســــــــــــــــــواح

اذهب الى الأسفل 
كاتب الموضوعرسالة
سواح
مشرف اغانى الشباب
مشرف اغانى الشباب
avatar

عدد المواضيع : 31
المشاركات : 35047
السٌّمعَة : 0 تاريخ التسجيل : 03/07/2010

مُساهمةموضوع: روائع الدوش ســــــــــــــــــواح   السبت يوليو 31, 2010 6:32 am

مشــــوار
سوّاح
سوّاح دخلتَ معاكْ
فى ليل..
صَبى .. وظالِم
وسرَحتَ فى أحضان ظنِّي الجميل..
واهِم
إنّو البصيبنى معاكْ..
لازِم يكون راحِم..
من أوّل المشوار..
حسّيتْ بأنِّى معاكْ
حفيانَهْ منِّى الروح
ولا مجنون.. ولا سالِم
تقدّم سكّتَك مرَّهْ..
تأخِّر سكَّتى ..مرّات
وتظهر فى القمر أشكال..
لإحساس مرَّهْ جانى وفات
أقول يمْكِن سراب باللّيل
أقول جايز نُحول خافِت..
وادخُل فى ظِلال أنَّات
بقيتْ أحسِب حساب الشوق
واحِس بالجايى زى الراح
سوّاح دخلتَ معاكْ..
براي ،
أرحَم أكون سوّاح
بدونَك يا حبيب الروح..
بعْرِف أشيل الكون..
فوق راحتين .. وجناح
وأقْدَر أكون مجنون
حتى الزمن لو صاح
سوّاح دخلتَ معاكْ
وفيكْ غلبان .. وبيكْ مُرْتاح
حأفْتَح فى الجدار تاني
مكان على قَدْرِ أحزانى
أعاين فى جروف الليل
وأكتب فوق سروج الخيل
وبى سعف النخيل
تفصيل
حكايَة فقْدِى عنواني
وافتَح فى الجدار تاني
مكاناً لى حلم أخضر
ولا شُفْتو .. ولا جانى
الله.. وليه يا ليل
الله.. وليه يا ليل
تسافِر موجَهْ شتويَّهْ
تفتِّش فى ضواحي الكون
مراسيهَا النهائيَّهْ
وافتَح فى الجدار تاني
مكان ما بشيلا أحزاني
الله .. وآه يا نيل
أمامى رِحال..
ورَاي وادي
أحبَّك فى جروف الليل..
ضلامى .. وعُدتى .. وزادى
واحبَّك تاني..
وتاني ..تاني .. واتي..
وافتح فى الجدار تانى
مكاناً لى صباح وضُحَى
وارسم فى النهار وامْحَى
أماني ولا دليل .. لا حيل
وأرسم فوق منابع النيل
شجونى الضاحكَهْ مُنْشرحَهْ
وأحبَّك تانى .. تانى .. وتانى
وافتح فى الجدار أشواق
مواعيد لى فرح حانى
وقفتَ على أمل شارِد
ونازِل من شعاع الروح
واقف فوق أمل ناهِد
وقفتَ معاكْ ظلال أشجار
على كل الحَصَل شاهِد
بأنّكْ إنتَ روح الكون
وانتَ الماشي والصاعِد
دوام بتلمِّى فى المغبون
وفى المحزون
وفى الغلبو الزمن قاعِد
وقفتَ على أمل مشبوك..
بأطراف الندى
ومحبوك..
على غُرَّة جبين نادِر
وفوق صهوَة فرح عامِر
إنتَ الغامِر الغامر
وإنت الآمِر .. الآمِر
وإنتَ المخفِِِِِي والظاهِر
وإنتَ فَرَح
جنوني
ومنْتَشى وآمِر
يا نجمَة صباح طَلعَتْ
على كون فى الدجى مسافر
إذا كان لُقياك
أنا الربحان وأنا الخاسِر
ويا غيمَة زمان آسِر
إنتَ الفيكْ أصيل مخزون
من بهجَهْ وطلاوَة رُوح
يودِّى الزول مَحَلْ ما يُروح


:bball: :bball: الحزن القديم

ولا الحزن القديم
إنتِ
ولا لون الفرح
إنتِ
ولا الشوق المشيتْ بيهو
وغلبْنى أقيف
وما بِنْتِ
ولا التذكار ولا كُنْتِ
بتطْلَعِى إنتِ من غابات
ومن وديان...
ومنى أنا..
ومِن صحْيَة جروف النيل
مع الموجَهْ الصباحيَّه
ومن شهقَة زهور عطشانَهْ
فوق أحزانهْا
متْكَّيهْ
بتَطْلَعى إنتِ من صوت طِفلَهْ
وسط اللمَّهْ منْسيَّهْ
تَجينى
معاكْ يجينى زمن
أمتِّع نفسى بالدهشَهْ
طبول بتْدُق
وساحات لى فرح نَوّر
وجمّل للحُزن..ممْشى
وتمشي معاي
خُطانا الإلفَهْ والوحشَهْ
وتمشى معاي... وتْرُوحى
وتمشى معاي وسط روحى
ولا البلْقاهو بِعْرِفنى
ولا بعرِف معاكْ ..روحى

الــود

أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمانا طويل
على الصبر الّى عِشْنَاهو
مع طُول الألم والليل
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
زمان ما عِشْنَا فى غُرْبَهْ
ولا قاسينا نِتْوحّد
وهسَّع
رُحْنا نتْوجّع
نعيش بالحسرَهْ نتأسّف
على الماضى اللِّي ما بِرْجَع
أحبَّك
لا الزمن حوّلْنى عن حُبّك
ولا الحسرَهْ
وخوفى عليكَ يمْنَعْنى
وطول الإلفَهْ والعُشْرَهْ
وشوقى الليك طوَّل
لسّه معاي
ولى بُكْرَهْ
الرجوع الى أعلى الصفحة اذهب الى الأسفل
http://myas.7olm.org
 
روائع الدوش ســــــــــــــــــواح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مياس :: البوح والشعر والخواطر-
انتقل الى: