منتديات مياس
مرحبا بك زايرنا الكريم نرحب بك فى منتديات مياس يسعدنا ويشرفنا تسجيلك معنا با الضغط على

زر التسجيل وانشت التصفح اتجه الاقسام الرئيسيه

منتديات مياس

منتديات مياس
 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخولدخول  
الاخوه الاعضاء اى زول عاوز توقيع يمشى منتدى الصور والتصميم ويكتب نوع التوقيع العاوز وانشاء الله حايكون جاهز خلال 24 ساعه
ترحب منتديات مياس با الاعضاء الجدد وتتمنى لهم قضاء وقت جميل
الاخوه الاعضاء المنتدى لقد تم تغير الاستايل بناء على طلب الاعضاء وشكرا الاداره
الاخوه اعضاء منتديات مياس لكم التحيه بس عاوزين مواضيع جديده وتواجد اكبر وانشاءالله تجدو الاكثر

شاطر | 
 

 مجموعة من اشعار الرائع القدال

اذهب الى الأسفل 
كاتب الموضوعرسالة
سواح
مشرف اغانى الشباب
مشرف اغانى الشباب
avatar

عدد المواضيع : 31
المشاركات : 35647
السٌّمعَة : 0 تاريخ التسجيل : 03/07/2010

مُساهمةموضوع: مجموعة من اشعار الرائع القدال   السبت يوليو 31, 2010 6:07 am

أمونة


محمد طه القدال


ما ضهبت اقول لقيتك
وانتى فى كل الخواتم والمياتم
والنجيمات والعواتم
ما حزنت اقول بكيتك
نحن فى حزن المخاليق
والمغنين المطاليق
الفرح جاييك وعد
غنوة اولاد التحاريك
السعد ولا البعد
البعد ولا السعد
كنتى فى ليل الخوابى
تهاتى بينات الطوابى
تحاكى جقليب السعى
الجنيات خلو حجرك ريح يفوفى
وعين مزرزرة من شقى الفرح المرابى
ومنية الوعد الدعى
يا ديارى الوين ....أنى
تور عفين الشين .....أنى
ما اضينة وزين انى
تور عفين الشين انى
وانت فى شوفك تخاتل رفة الطير والحفيف
وانت فى خوفك تكاتل عينة الجلبت خريف
وانت فى لالوبة مصلبة البنيات
النسيمات الهفيف
وانت فى لالوبة مشنقة الوليدات
ناس نجومى ومحبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم نافيت .. صدق الوعد جافى
وكت العلم جافيت .. مر الصدق وافى
وكنا بنشيل الغباين والاناشيد
جهدية الاورطية
جهدية الحلبونا
شدو جمالم جونا
حلبنا ليهم سمسم
والسمسم ما كفاهم
جلبنالهم سعية
وجينا للبقعة ام قبايل
سيل من الوادى الكبير
الكفيف شايل الكسيح
يا عيون ود الضكير
واحدة من توشكى
تقلع
تانى تقلع فى المطامير
يا جبة الدرويش
البابا بسل العيش الله بسلا
والبابا خدمة الديش الله بسلا
البابا القول بى شويش
يا عيون ود الضكير
عماك فى حقك ديه
لى زمنا مو جهدية
جهدية الاورطية
جهدية الحلبونا
شدو جمالم جونا
وحلبنا ليهم سمسم
والسمسم ما كفاهم
جلبنالهم سعية
يا عيونى شن بتشوفى
ويا امونة شن بتشوقى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
ويا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
ويا عيونى شن بتشوفى
تلت التلاتة شلق
تانى التلات محلق
والتالت جا يبشرنى
سرقوهو الدايرين حتوفى
يا امونة شن بتشوفى
ويا عيونى شن بتشوفى
شايفة الدموم واللمة
بين الدقون والعمة
ولانى فوق معلق
صقر الحدى مندوفى
يا عيونى شن بتشوفى
ويا امونة شن بتشوفى



:bball: :bball:
الرجوع الى أعلى الصفحة اذهب الى الأسفل
http://myas.7olm.org
 
مجموعة من اشعار الرائع القدال
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات مياس :: البوح والشعر والخواطر-
انتقل الى: